ئالبۆمێکی نەبیستراوی محەمەد ماملێ بڵاودەبێتەوە

بە ڕاپۆرتی ئاژانسی هەواڵی پیرانشار ڕووداو له مێهر، بڕیارە لە ۲۱ی ئایاری ۲۰۱۷ ئالبومێکی گۆرانی بڵاونەکراوەی هونەرمەندی گەورەی کورد محەمەدی ماملێ بڵاوبکرێتەوە و بخرێتە بازاڕەوە.

لەوبارەیەوە وریا ماملێ کوڕی هونەرمەند محەمەدی ماملێ، بە (خەڵک)ی راگەیاند: لە ڕۆژانی داهاتوودا ئاڵبۆمێکی باوکم کە ۶ تڕاکی لە خۆ گرتووە و لە ساڵی ١٩٩٢ تۆمار کراوە و بڵاو نەکراوەتەوە، ئامادە دەبێت تا لە ڕۆژی ٢١ی مانگی ۵ بکەوێتە بازاڕەوە.

 راشیگەیاند، داهاتی ئەم ئاڵبومە ڕاستەوخۆ دەخرێتە خزمەتی تێکۆشەرانی بواری موزیک و گۆرانیەوە.

  لە داهاتوودا زانیاری زیاتر لە بارەی ئەم ئالبومەی ماملێ بۆ هەوادارانی دەنگی ئەم هونەرمەندە و موزیکی کوردی بڵاو دەکرێتەوە.

محەمەدی ماملێ یەکێک لە هونەرمەندە گەورەکانی کوردە لە ساڵی ۱۹۲۵ لە شاری مەهاباد  لە دایکبووە و لە ساڵی ۱۹۹۹ هەر لەو شارە کۆچی دوایی کردووە.